एक जोडा घन्टी र एक जोडा परेवा

एक जोडा घन्टी र  एक जोडा परेवा  
*******************************


माथि धेरै माथि
पुग्नुछ डाडोमा..
र,बजाउनु छ,
डाडोको टुप्पोमा रहेका “२ ओटा घन्टी” ।

बाटो निकै कठिन छ,
बीच बाटोमा पुग्दा नपुग्दै
चिप्लिएर फेदमै झरिने ढुंङ्ग्यान,
चिप्लो बाटो ।
मौसम पनि यहि बेला बेइमानी भैदिन्छ
घरि दर्कीदिन्छ पानि,घरि असिना
घरि बाटोनै छोपिने गरि हिउ नै हिउ !
प्राण बायुले समेत घात गरिदिन्छ र भै दिन्छ कम कम .....
निस्वास(?) बनाइ ढलाइदिन्छ घरि घरि !

यात्रै पिच्छे,
पाइलै पिच्छे,
तर्साउन ,बाटो छेक्न आउने,
 ब्वासाहरुको बिगबिगी,
र, ठुंङ्ग्न आउने काला चिल हरुको बिगबिगी उस्तै ।
भैदिन्छ प्रकृति पनि निस्ठुर यहि बेला,
फलाउदैन फल
मात्र  फलाउछ  काउछो ....
र उडाइदिन्छ झुसहरु !
फल फल्ने रुखहरुलाइ ,
झङ्ग्याइदिन्छ एजेरुका त्यान्द्राहरुले ।
तर,
पुग्नु छ माथि,
धेरै माथि डाडोको टुप्पोमा
र,बजाउनु छ घन्टी
टिङ्ग..टिंग...टि....ङ्ग........टिङ्....टिंग........टिङ्.......टिङ्ग टिङ्
 अनि उडाउनु छ पिंजडामा कैद  “२ओटा परेवा “
थुना मुक्त गरि !

बाटोका सम्पूर्ण अबरोध सधैलाई पन्छीने गरि
ब्वासा ,काला चिल
यात्रामा साथ नदिने मौसम ,प्रकृति,

काउछा फलाउने,र एजेरु झंग्याउने रुख 
ढुङ्ग्यान ,चिप्लो
बाटो समेत
सबै तर्सिने गरि !
घन्टीको,
टिङ्ग..टिंग...टि....ङ्ग........टिङ्....टिंग........टिङ्.......टिङ्ग टिङ्
संगै स्वतन्त्र उडेका परेवाका
भुरुरुरुरुरुरुरुरुरुरुरुका आवाजहरुले ।..........
(“२टा” घन्टी र “२टा” परेवा समुहका संकेत हुन् )