“अपरिचित “ पात्र पूर्तिको लागि सपनामै “मृत पात्र” स्वयं उपस्थित !
(“आफ्नै मृत्यु”को सपनाको [आफै मर्या सपना]– दिक्कलाग्दो बर्बराहट )
**********************************************************
पछारियो धन्द्र्याम्म्मम्म्म ........
खैलाबैला मच्चियो चोकमा -मान्छे हिड्दा हिड्दै पछारियो,. सायद ! मर्यो
स्वा,फ्वा केहि छैन .....
जुन चोकमा पछारियो उ त्यो चोक बाट गुम्बा,मस्जिद,चर्च,मन्दिर जाने
छुट्टाछुट्टै बाटा थिए गोलो अजिब चोक
! चोकबाट चार तिर बाटाहरु फाट्ने .......।
मान्छेहरु जम्मा भए “परिचित” तर “अपरिचित” उसको ढलेको छेउमा .......
खैला बैला सुरु भो आफु आफुमा जम्मा भाको भिडमा -यो सधै हिड्थ्यो यो
बाटो न बोल्थ्यो न कतै हेर्थ्यो आफ्नो सुरमा दिनहु हिडिरहन्थ्यो तर खै को हो के हो
था भयन...
पुजारी ,भिक्षु ,पादरी ,मुल्लाहरु आय हेरे सबैले एकै स्वरमा भने “ए यी
हाम्रो धर्मालम्बी व्यक्ति हुन “ यति सम्म एउटै स्वर सुनियो अनि बाकि चै फरक फरक
“सधै मन्दिर ।मस्जिद।गुम्बा।चर्च । आउथे आज पनि आउदै थिय लडेछन !”
(भिडमा सबै मुखा मुख गर्न
थाले सबैले देखेकै थे सधै हिड्थ्यो कहिले कता मोडिन्थ्यो कहिले कता कहिले कता !)
तर,
फेरी मिश्रित स्वर सुनियो - यिनको अन्त्यस्टिको ब्यबस्था हाम्रो धर्म
अनुसार भब्य गर्छौ (त्यहाँ मानबता ,भाबुकता......भन्दा अन्य केहि थियो किनकि
देखाउनु थ्यो आफ्नो आफ्नो धर्मले कसरि सम्मान गर्छ बेबारिसे मानबलाइ(?) )।
मत बाझियो आफ्नो आफ्नो धर्मको पक्षमा “उ”हाम्रै धर्मालम्बी हो गुम्बा
आउथ्यो शान्त बस्थ्यो पढिरहन्थ्यो एकान्तमा केहि बोल्दैनथ्यो आज पुर्णिमा त्यसैले
उ गुम्बा जान हिड्दा हिड्दै ढल्यो हाम्रो रिति अनुसार अन्त्यस्टि गर्छौ “-भिक्षु
बोले (उनलाई देखाउनु थ्यो त्यस बिसेस उत्सब(पूर्णिमामा )जम्मा भाका टाढा टाढाका धर्मालाम्बिहरुलाई “आफ्नो” धर्मले कसरि निरिहको
भलो गर्छ र देखाउनु थ्यो “अन्य” धर्मालम्बीलाई आफ्नो धर्मले गर्ने “धुमधाम
कल्याण”)।
अन्यले पनि सोहि अनुसार आफ्नो आफ्नो अडान राखे –“उ हाम्रो धर्मालम्बी
हो ,आउथ्यो बस्थ्यो डुल्थ्यो केहि बोल्दैनथ्यो बसेर पढिरहन्थ्यो “ । आज पुजा थियो
बिसेस मन्दिरमा । आज सत्संग ,प्रार्थना
थियो चर्चमा बिसेस ।आज हाम्रो मस्जिदमा बर्ष भरिका मृतकहरुको सम्झना गर्ने बिसेस
दिन थियो । उ त्यसैले आज पनि मन्दिर । चर्च । मस्जिद आउदै थ्यो लड्या हो । (यहाँ
पनि बिसेस उत्सबमा टाढा टाढा बाट जम्मा भाका धर्मालम्बीलाई “आफ्नो” धर्मले कसरि निरिहको भलो गर्छ र देखाउनु
थ्यो “अन्य” धर्मालम्बीलाई आफ्नो धर्मले गर्ने “धुमधाम कल्याण”)।
कुरा मिलेन कसैगरी,! भिड गल्यांग मल्यांग गर्दै थ्यो जसले जुन धर्ममा
आस्था राख्छ त्यसैको पक्षमा अडान लिएर !हेर्दा हेर्दै भिड पनि विभाजित भयो...।
यो हाम्रै धर्मालम्बी हो (उसको शरीर यस्तरी पछारिएको थियो कि ४ अलग
अलग बाटा तिर ४ हात खुट्टा फिजिएका थिए दिशा छुट्टयाझैँ,बाटो संकेत गरेझै
गरि,टाउको भने अगाडी लत्रिएको थियो)किनकि यो हतारमा दौडदै आउदा पछारियो दाया
खुट्टा मन्दिर जाने बाटो तिर अरु भन्दा अगाडी छ यतै दौडी राथ्यो भन्ने स्पस्ट
हुन्छ –पुजारीले (कु)तर्क गर्यो ! यसैमा सबैका आफ्ना आफ्ना धारणा र (कु)तर्क बने -
हैन बाया हात हाम्रो तिर अरु भन्दा बढी छ यतै कुदिराथ्यो, । हैन दाया हात हाम्रो
तिर छ अरु भन्दा बढी ,। हैन बाया खुट्टा
हाम्रो तिर छ अरु बाटा तिरका अंग भन्दा बढी लत्रिएर ,यतै कुदिराथ्यो भन्ने स्पस्ट
हुन्छ ।
कुरा मिल्ने छाटकाट आएन ,र यत्तिकैमा
भिडबाट कसैले भन्यो -उसका चार हात खुट्टा जता जता फिजिएका छन् काटेर आफ्नो
आफ्नो रिति अनुसार अन्त्यस्टि गर्ने । सबै मुखा मुख गरे र सहमति सूचक टाउको हल्लाए
।(यहाँ सबैलाई देखाउनु थ्यो,भब्य सम्मानका साथ अन्त्यस्टि गरेर “आफ्नो” धर्मले
(यसरि पनि, मानब कल्याण गर्छ) र “अन्य” धर्मालम्बीलाइ “बेबारिसेको” अन्त्यस्टिमा
भव्यताको प्रदर्सनले आकर्सित गर्ने “सुबर्णअवसर” )।
अनि टाउको चै अगाडी
लत्रिएयाकोले दाया हातको भागमा हुनुपर्छ -भिक्षु बोले । (टाउको ति ४ बाटा तिर नभई
अगाडी लत्रिएको थ्यो त्यसैले फेरी आफ्ना आफ्ना अडान बने सबैका आफ्ना भागमा
पर्नुपर्ने दाबि सहितका )। फेरी भीडबाट कोहि चिच्यायो टाउको ४ भाग लगाउने । सबैले
मुखामुख गरे र सहमति जनक टाउको हल्लाए। भाग लगाउन टाउको काट्ने सुरसार गर्दा गर्दै
सबैमा फेरी सुरु भो कलंगमलंग ! र ध्यान जति भीडबाट अगाडी बढेर आयको मानब तर्फ सुरु
भो ! फोहरी ,लट्टापरेको फोहर कपाल ,खालि खुट्टा ,४ भागमा ३ भाग शरीर नछोपिने
झात्रे झुत्रे कपडा लगाएको मान्छे बेतोड दौडियो र घोप्टियो मृत शव माथि (सबै
चिच्याय – ल ल बौलाहा उही पुग्यो लाश छुन ,यो बौलाहालाइ उता हटाउ ) र यत्तिकै
जोडले खित्का छाडेर हास्यो र शवलाइ
बिस्तारै मुसार्दै शवकै ढाडमा चिप्कीरहेको ब्याग खोल्यो र ब्यागबाट निकाल्यो केहि
थान किताबको बक्स (यति झटपट गर्यो कि उसले यो सबै,उसलाई हटाउदा हटाउदै ,हटाउन
खोज्दा खोज्दै ) र जोडले फलाक्यो – “अधर्मिहरु” । सबै मुखामुख गरे । र हेर्न थाले ,थान
किताबमा कुरान, बाइबल ,त्रिपिटक ,बेद,गीताका ससाना पकेट बुकको एउटै बक्स ! र बक्स
बाहिरै ठुला अक्षरले लेखेको “यिनुहरु त झगडा गर्दैनन त “ ! सबै पछाडी सरे, त्यो
मानब फेरी चिच्यायो खित्का छाडेर हास्यो र चिच्याउदै भन्यो “अधर्मी” ।(त्यो
खित्कामा ,चिच्याईमा र शब्दमा(अधर्मी) एउटा “बौलाह”ले “सज्जनहरु”लाइ गरेको अठ्ठाहस
व्यंग थियो !) फेरी घोप्टियो शव माथि र टाउको मुसार्यो प्रेमपुर्बक, आफ्नो बर्षी
पछी भेटिएको भाइको...........................................।
(झ्स्यांग निद्रा खुल्यो डर लाग्यो ,पसिनाले भिज्या सरिर थर्रर काप्यो,एठन
भयर ब्युझेकोले शरीर दुखेझैँ भयो ,मुख सुक्यो,लामो सुस्केरा हाले । खै ! सपना पनि
कस्तो नराम्रो देख्या उफ ! त्यो सपनामा देख्या “मृत शव” मै आफै थिए।
.....................र आक्रान्त भए रिस उठ्यो ,यति बेढङ्गको पनि सपना देखिन्छ
!,केहि न केहि सित । अनि बिपनामा सोची टोपले साच्चि त्यो मृत पात्र को होला ?र
त्यो बौलाहा पात्र को होला ? सपनाका पात्र पनि कहिल्यै बिपनामा खोजेर भेटिएला
त?पात्र पूर्तिको लागि आफै उपस्थिति पो जनाए कि सपनामा :D ? अनि बौलाहा पात्रको पूर्तिको लागि पनि
कोहि परिचित त उपस्थित हुनु पर्ने तर.......। “तपाइँ“ उपस्थित भा भे कति गजब
हुन्थ्यो होला है :D :D )
Siudileep
२०७४/....
@रानीमहल/रानीघाट(राति १ बजे ) ।
